Кабелски оператори – кабелски дистрибутивен систем

Кабелски оператори – кабелски дистрибутивен систем

VERP-KDS модулот е наменет за кабелски оператори со цел да ги олесни процедурите за фактурирање, генерирање и наплата на сметки. Овој модел се состои од неколку основни компоненти и тоа:

1. Ажурирање на основни податоци кои се внесуваат еднаш и се користат како такви се додека не се јави потреба од нивна промена и се потребни за генерирањето на сметките, а се однесуваат на:

• • • • Корисници – се дефинираат физички и правни лица,
      • Евидентирање и дефинирање на услуги (телевизија, телефонија, интернет) и цени за истите,
      • Евидентирање и дефинирање на пакет на услуги и поврзување на услугите во пакет,
      • Евидентирање и дефинирање на при-пејд пакети,
      • Евидентирање на наплатни места,
      • Евидентирање на реони,
      • Дефинирање на конта за книжење за секој тип на услуга: телевизија, телефонија, интернет и сл.
      • Евидентирање и дефинирање на приклучок кон кабелскиот оператор и статуси на приклучокот (активен, неактивен, во мирување, исклучен и сл.).
      • Внесување и печатење на договори, времетраење на договори, реверси на вратена опрема, барање за раскин на договор и сл.

2. Менаџирање со сметки– дел што опфаќа:

• • • • Генерирање на сметки по месеци, со можност за избор: сите сметки или сметки за избран реон. Генерирање на сметки значи автоматско финансиско задолжување на корисникот, како и автоматско книжење на сметките во финансиски налог на конта кои претходно се дефинирани за секоја услуга посебно. Ваквото задолжување на корисникот, може автоматски да се раздолжи преку наплата за која е издадена фискална сметка, каде по автоматизам се раздолжува корисникот, а се задолжува касата на конто кое е претходно дефинирано. По автоматизам е можно и раздолжување на корисникот со автоматско раскнижување на банков електронски извод,
      • Печатење на сметки – печатење на генерирани сметки за месец по реони, по улици и можност за печатење на дел од сметките и прескокнување на веќе печатени сметки. Секоја печатена сметка има број кој е прикажан и како бар-код. На печатената сметка се прикажува и заостанатиот долг како и камата за неплатениот долг. Изгледот и содржината на печатената сметка се дефинира според барањето на кабелскиот оператор;
      • Наплата на сметки – наменет за наплатни центри каде се врши наплата на сметките со можност за издавање на фискална сметка;
      • Сторнирање на наплата на сметка;
      • Корекција на сметка;
      • Преглед на ненаплатени сметки за даден период – период кој кабелскиот оператор сам го дефинира со цел да се запази сметките да не добијат статус на застарени сметки;
      • Припрема на печатење на опомени пред тужба за ненаплатени сметки –– поради проблемот на наплата со која се соочуваат кабелските оператори и запазување на рокот да сметката не добие статус на застарена сметка, а со цел да може да се направи наплата, овозможено е да можат да се пребаруваат неплатени сметки и за нив да се генерираат и печатат опомени пред тужба;
      • Пресметка на камата за заостанат долг,
      • Отпис на камата по сметки по основ на пресуда или одлука,
      • Отпис на долг од сметки по основ на пресуда или одлука,
      • Преглед на ненаплатени сметки за даден период,
      • Автоматско книжење на фискалните уплати во главната книга;
      • Автоматско затворање на долг со примена на електронските изводи и нивно книжење во главната книга;

3. Аналитички извештаи – извештаи потребни за менаџментот и корисниците

• • • • Извештај на сторнирани сметки за даден период;
      • Извештај за фискални уплати;
      • Извештај за статуси на приклучокот за даден период по различни критериуми;
      • Картица за комитент;
      • Извештај за сметки по корисници и преглед на уплати и заостанат долг;
      • Извештај за генерирани работни налози за даден период по повеќе критериуми;
      • Извештај за опоменати сметки;
      • Извештај за наплата по месеци по различни критериуми;

4. Магацинска евиденција– материјална евиденција на вработените за земена опрема која се вградува кај корисниците, како и

• • • • Креирање на работни налози за извршени демонтажи и сервиси за пријавени дефекти;
      • Евиденција на материјали и опрема која ја подигнале вработените од магацин за работа на терен при монтажа на нов приклучок и отстранување на дефект;
      • Повратница за земени материјали и опрема од магацин кој останал или не се искористил при монтажата на приклучокот или отстранување на дефектот;

VERP-KDS модулот може да се интегрира со останатите модули за финансиско- материјално работење, за да се овозможи Интегриран Информационен Систем. Се добива во пакет со инсталација и обука за корисниците и може да се користи на еден или повеќе компјутери поврзани во мрежа, со можност за дефинирање на кориснички права за пристап на корисниците до одредени менија.